Vila Lumea

E vendosur në periferi të Tiranës, pranë Petrelës, kjo vilë neoklasike ka një interior të dizajnuar nga Archinvest. Klientët kërkuan një ndërthurje stilistike, duke u fokusuar te linjat e pastra dhe tonet e ngrohta. Vila shtrihet në tre nivele, një prej të cilëve ndodhet nën tokë. Hyrja në vilë realizohet nga kati përdhe (niveli 0), i cili gjithashtu ofron një dalje të pasme drejt kopshtit.

Zona e ndenjjes, gatimit dhe ngrënies bashkohen në një hapësirë të vetme të hapur, duke u bërë ambienti kryesor i katit përdhe. Kjo zonë është trajtuar me tonalitete neutrale dhe të ngrohta, në përputhje me stilin estetik të zgjedhur.

Niveli nëntokë ofron hapësirë për një bodrum vere, ku paleta e ngjyrave bëhet më e thellë se në pjesën tjetër të shtëpisë, si edhe një hapësirë pune dhe një lavanderi. Kati i sipërm i dedikohet zonës së natës dhe përbëhet nga katër dhoma gjumi. Këto ambiente janë dizajnuar me linja të pastra, tonalitete neutrale dhe ndriçim të ngrohtë.